ЌЕРКИ НА СУДБИНАТА - ТАРА ХАЈЛАНД

 Емотивно турбулентна, реалистично моќна „Ќерките на судбината" -  Тара Хајланд, ќе ве освои уште на првата страница.Приказната за ќерките на Вилијам Мелвил, наследнички на најекслузивна модна династија во светот, ќе ви пружи задоволство и патување во еден поинаков свет. Кејтлин, Амбер и Елизабет  се убави, богати и сите им завидуваат на нивниот статус. Но, позади блескавата фасада од нивните животи, секоја од нив крие мрачни тајни кои се реална закана да го разори нивното семејство.


                                                                            
  
Импресии од нашите читатали:

„Одамна немам вака уживано. Навистина со целото мое срце, топло им ја препорачувам на сите книгољупци. Ќе уживате. Ова е современа драма за животните предизвици на големите семејства. Трите сестри Амбер, Кејтлин и Елизабет, секоја од нив различна на свој начин, но еднаква пред моќните ветрови на судбината. Секоја го живее животот на свој начин, но ужива, се радува и тагува, како дел од сложувалката на моќното семејство на Малвил. Секоја своја радост и тага ја делат заедно, за да ги зголемат убавините и да се утешат, каде ако не онаму каде била нивната колевка и од каде започнал животот."
                                                                                                                                                - Ведрана Јанева


„Тара Хајланд повторно изненади. Би ја опишала книгата со пет збора: турбулентна, сентиментална, возбудлива, реална, модерна. Ќерките на Вилијам Малвил се навистина ликови за паметење. Доста романтична книга лесна за читање." 
                                                                                                                                                - Мена Здравеска

„Низ страниците на „Ќерките на судбината“ ни е претставен животот на богатата елита и сите проблеми со кои тие се соочуваат. Гламур, богатство, среќа, семејни сплетки и интриги, афери, брачни подеми и падови. Оваа книга ги содржи сите елементи кои го интригираат читателот и го држат во интерес се до самиот крај."

                                                                                                                                                 - Снежана  Гулиќ              

„Интересна семејна сага. Авторката очигледно вложила време и труд во креирањето на многу богатиот и комплексен живот на семејството Мелвил, бидејќи книгата содржи многу ликови и настани. Сите тие ликови, како и нивните судбини испреплетени со радост и тага, среќа и болка се прекрасно доловени. Стил на пишување, кој е енергичен, директен и едноставен, го прави читањето интензивно, волшебно и привлечно."
      
                                                                                                                                                    - Татјана Лазарова


„Ќерките на судбината" - ме фасцинира со тоа што е несекојдневна семејна драма со модернистички примеси. Емотивна, лесно читлива и интересна. Трите сестри Амбер, Кејтлин и Елизабет, секоја посебна на свој начин стануваат дел од твоето секојдневие со своите младешки радости, разочарувања, скандали, авантури. прекрасно четиво за значењето на смејството. Од се срце ја препорачувам на читателите!"

                                                                                                                                                       - Викторија Крстеска 

„ Три сестри-три авантури, три радости, три таги,три животи. Семејството е тоа што не држи во живот кое ни дава сила и мотив за понатаму.Прекрасна книга,мој предлога за овие зимски денови."

                                                                                                                                                         - Kaтерина Јаневска

                                                                                                                                                           
Книгата може да се најде на сите продажни места на Матица